Վերին Լարս տանող ճանապարհին արգելվել է կցովի և կիսակցովի ավտոտրանսպորտի երթևեկությունը

09:51, 07.02.2020

Ձյան և ուժգին քամու պատճառով, միջազգային նշանակության Մցխեթա-Ստեփանծմինդա-Լարս (Ռուսաստանի Դաշնության սահման) ավտոճանապարհի Գուդաուրի (Փոստա)-Կոբի հատվածում արգելված է կցովի և կիսակցովի ավտոտրանսպորտի երթևեկությունը: Տեղեկությունը տարածում է Ավտոճանապարհային վարչությունը:

Գերատեսչության տեղեկությամբ, նշված հատվածում մնացած տիպի ավտոտրանսպորտի երթևեկությունն ազատ է:

«Միջավայրի ազգային գործակալության տեղեկությամբ, Գուդաուրի-Կոբի հատվածում ավտոտրանսպորտի երթևեկությունը կիրականացվի առանց կանգ առնելու ռեժիմում:

Ճանապարհի մնացած հատվածներում ավտոտրանսպորտի երթևեկությունն ազատ է»,- հայտարարում են Ավտոճանապարհային վարչությունում:

Հեղինակ - Anna Badalian

Հասարակական

Շրջաններ

Ավտոճանապարհային վարչություն