Վենետիկի կինոփառատոնի տնօրեն Ալբերտո Բարբերան. Լևան Կողուաշվիլիի «Գուրիա» ֆիլմը շարունակում է վրացական կինոյի ավանդույթները
Վենետիկի կինոֆառատոնի Venice Spotlight բաժնում ներկայացված կլինի վրացի ռեժիսոր Լևան Կողուաշվիլիի «Գուրիա» նոր լիամետրաժ ֆիլմը:
Ֆիլմը Նկարահանվել է Վրաստանի մշակույթի նախարարության, Կինեմատոգրաֆիայի ազգային կենտրոնի, «Ստեղծագործական Վրաստան»-ի, Հանրային հեռարձակողի և «Արտադրիր Վրաստանում» գործակալության աջակցությամբ: «Գուրիան» յոթ երկրների (Վրաստան, Շվեյցարիա, Լյուքսեմբուրգ, Բուլղարիա, Նորվեգիա, Թուրքիա, Սաուդյան Արաբիա) համատեղ արտադրություն է:
Venice Spotlight-ը Վենետիկի կինոֆառատոնի աչքի ընկնող բաժիններից մեկն է, որտեղ ի մի են գալիս ստեղծագործական օրիգինալությամբ և գեղարվեստական տեսլականով առանձնացող աշխատանքները: Նշված բաժնում այս տարի ներկայացված է ընդամենը ութ ֆիլմ: Պաշտոնական ծրագրի հայտարարման ընթացքում Վենետիկի կինոֆառատոնի տնօրեն Ալբերտո Բարբերան ընդգծեց, որ Լևան Կողուաշվիլիի «Գուրիա» ֆիլմը շարունակում է վրացական կինոյի ավանդույթները:
Լևան Կողուաշվիլիի խոսքով՝ ֆիլմը մարդկանց մասին է, ովքեր, չնայած ծանր պայմաններում ապրելուն, պահպանում են մարդկայնությունը:
«Նրանք հեռու են կատարելությունից և հաճախ բավականին վատ են վարվում, բայց մնում են մարդ: Նրանք ունակ են ընկերության և կարեկցանքի: Ես ուզում էի ֆիլմ նկարահանել սովորական մարդկանց մասին՝ առանց որևէ գաղափարախոսական կլիշեների կամ քաղաքական կոնյունկտուրայի, պարզապես կյանք, պարզապես կինո, պարզապես Գուրիա: Գուրիան ավելին է, քան պարզապես երկրամասի անուն, դա ավելի շատ ներքին հոգեվիճակ է», – հայտարարել է Կողուաշվիլին:
Վրաստանի մշակույթի նախարարությունը շնորհավորում է ռեժիսոր Լևան Կոգուաշվիլիին և ֆիլմի ողջ ստեղծագործական թիմին այս ճանաչման կապակցությամբ և հաջողություններ մաղթում:
Տեղեկատվությունը տարածում է Վրաստանի մշակույթի նախարարությունը: