Վենեսուելայում անցյալ շաբաթ տեղի ունեցած երկու երկրաշարժերի զոհերի թիվը հասել է 2954-ի
Անցյալ շաբաթ Վենեսուելայում տեղի ունեցած երկու երկրաշարժերի զոհերի թիվը հասել է 2954-ի։
Երկրի Ազգային ժողովի նախագահ Խորխե Ռոդրիգեսը հայտնել է, որ երկրաշարժերի հետևանքով վիրավորվել է 16592 մարդ։ Ռոդրիգեսը նշել է, որ աղետից, որը հարվածել է Արագուա, Միրանդա և Լա Գուայրա կենտրոնական նահանգներին, ինչպես նաև Կարաբոբո, Յարակույ և Ֆալկոն արևմտյան նահանգներին, փրկվել է 6462 մարդ։
Վերջին թարմացման համաձայն՝ 16209 մարդ մնացել է անօթևան, 856 շենք վնասվել է, իսկ 190-ը՝ փլուզվել։ Իշխանությունները նաև ստեղծել են 80 ժամանակավոր ճամբար՝ տեղահանված և տուժած մարդկանց օգնելու համար։ 29567 փրկարարներ մնում են տեղում, այդ թվում՝ 3281-ը՝ արտասահմանից, որոնք փնտրում են փրկվածներին։
Հունիսի 24-ին Վենեսուելայում տեղի ունեցած 7.2 և 7.5 մագնիտուդ ուժգնությամբ երկրաշարժերից հետո գրանցվել է 942 հետցնցում։