Վարչապետի զեկույցի վերաբերյալ քաղաքական բանավեճը կշարունակվի հունիսի 28-ին
Վարչապետի զեկույցը լսելու ընթացակարգերը կշարունակվեն հաջորդ շաբաթ, երկուշաբթի օրը, հունիսի 28-ին:
Իրակլի Ղարիբաշվիլին լիագումար նիստում պատասխանել է ճշտող հարցերին: Դրանից հետո պետք է քաղաքական բանավեճեր սկսվեին, բայց խորհրդարանի խոսնակ Կախա Կուճավան ասել է, որ բոլոր քաղաքական խմբերը ցանկանում են մասնակցել բանավեճերին, ինչը այսօր անհնար է հասցնել, քանի որ կանոնակարգի համաձայն, գարնանային նստաշրջանը պետք է փակվի հունիս ամսվա վերջին ուրբաթ օրը, մինչև ժամը 00:00-ն:
Պատգամավորները փակեցին գարնանային նստաշրջանը`օրհներգի ներքո: Կախա Կուճավան հայտարարեց, որ արտահերթ նստաշրջան կգումարվի հունիսի 28-ին և այդ կապակցությամբ դիմել է նախագահին:
Ըստ ընթացակարգի, մնացել է քաղաքական բանավեճ, այդ ձևաչափով քաղաքական ուժերը կկարողանան ելույթ ունենալ: Այս ընթացակարգի ավարտից հետո վարչապետը կկարողանա օգտագործել եզրափակիչ խոսքը:
Իրակլի Ղարիբաշվիլիին մոտ ութ ժամ լսում էին խորհրդարանում: Վարչապետին հարց է ուղղել մոտ 70 պատգամավոր: