Վրաստանի վարչապետ Իրակլի Ղարիբաշվիլին հանդիպել է գերմանական կոնգլոմերատի, Siemens Energy-ի փոխնախագահ Արիել Պորատի հետ։

Վարչապետի մամուլի ծառայությունից հայտնում են, որ կառավարության աշխատակազմում տեղի ունեցած հանդիպման ընթացքում քննարկվել են Վրաստանում ներդրումային բարենպաստ միջավայրն ու հնարավորությունները, որոնք երկրին տալիս են ազատ առևտրի համաձայնագրեր Եվրամիության, հարևան երկրների և Չինաստանի հետ։

Նրանց խոսքով, ինչպես նշվել է հանդիպմանը, Siemens Energy-ին շահագրգռված է ներդրումներ կատարել Վրաստանում։

Վարչապետի խոսքով, Վրաստանի կառավարությունը ողջունում է Siemens Energy-ի հետաքրքրությունը երկրում ներդրումային միջավայրի ու արտադրական հնարավորություններին ծանոթանալու հարցում և պատրաստ է հնարավորինս աջակցել նրանց։ Գերմանական կոնգլոմերատ՝ Siemens-ը գործում է մի շարք ոլորտներում, որտեղ տասնյակ հազարավոր մարդիկ են աշխատում։