Վրաստանի վարչապետ Իրակլի Կոբախիձեն աշխատանքային այցով մեկնել է Չինաստանի Ժողովրդական Հանրապետություն: Կառավարության ղեկավարին Շանհայի Հոնգցյաո միջազգային օդանավակայանում դիմավորել է Շանհայի փոխքաղաքապետ Սիե Տոնգը։

ՉԺՀ Պետական ​​խորհրդի վարչապետ Լի Ցյանի հրավերով Վրաստանի վարչապետը կմասնակցի Չինաստանի միջազգային ներմուծման ցուցահանդեսի բացման արարողությանը, որին Վրաստանն այս տարի մասնակցում է որպես պատվավոր հյուր։

Շանհայ այցի շրջանակներում Իրակլի Կոբախիձեն հանդիպում կունենա ՉԺՀ Պետական ​​խորհրդի վարչապետի հետ։

Իրակլի Կոբախիձեն Չինաստանի Ժողովրդական Հանրապետությունում է գտնվում արտաքին գործերի նախարար Մակա Բոճորիշվիլիի, էկոնոմիկայի և կայուն զարգացման նախարար Մարիամ Քվրիվիշվիլիի, շրջակա միջավայրի պաշտպանության և գյուղատնտեսության նախարար Դավիթ Սոնղուլաշվիլիի, ֆինանսների նախարար Լաշա Խուցիշվիլիի, ենթակառուցվածքների նախարար Ռևազ Սոխաձեի, Ազգային բանկի նախագահ Նաթիա Թուրնավաի և կառավարության աշխատակազմի ղեկավար Լևան Ժորժոլիանիի հետ։