Վակեի շրջանում, Նափարեուլի փողոցի մի հատվածում օգոստոսի 2-ին և 3-ին, գիշերային ժամերին տրանսպորտային միջոցների տեղաշարժը ժամանակավորապես կսահմանափակվի
Վակեի շրջանում, Նափարեուլի փողոցի N12-14 հասցեում վնասված ջրամատակարարման և ջրահեռացման ցանցի վերականգնողական աշխատանքների իրականացման նպատակով օգոստոսի 2-ին և 3-ին, գիշերային ժամերին տրանսպորտային միջոցների տեղաշարժը կսահմանափակվի:
Թբիլիսիի քաղաքապետարանի տեղեկատվությամբ՝ երթևեկությունը Նափարեուլի փողոցում Բարնովի փողոցի խաչմերուկից մինչև Փալիաշվիլի փողոցի խաչմերուկ կսահմանափակվի երկու օրերին էլ 00:00-ից 06:00-ն ընկած ժամանակահատվածում:
«Հաջորդող օրերի ընթացքում ցանցի թարմացման աշխատանքները կշարունակվեն ներքին բակի տարածքում, ինչը փողոցում տեղաշարժի խափանում չի առաջացնի:
Ենթակառուցվածքային նախագիծը կիրականացվի Վակեի շրջանի վարչության «Բնակարանատերերի համատիրությունների զարգացման աջակցման ծրագրի» շրջանակներում: Աշխատանքները, վարչության պատվերով, կիրականացնի «Օկրիբա» ՍՊԸ-ն», – նշված է տեղեկատվության մեջ: