Վաղը մանդատներից հրաժարվելու օր չէ, դա հանրային ակտ է, որ ընդդիմությունը շարունակում է բոյկոտը, մենք չենք մասնակցելու այդ ընթացակարգին. Յագո Խվիչիա
Վաղը մանդատներից հրաժարվելու օր չէ, դա հանրային ակտ է, որ ընդդիմությունը շարունակում է բոյկոտը, մենք չենք մասնակցելու այդ ընթացակարգին,- այս մասին լրագրողներին ասել է «Գիրչիի» անդամ, Յագո Խվիչիան:
Նա մեկ անգամ ևս նշել է, որ Գիրչին խորհրդարան կմտնի միայն այն դեպքում, եթե կհավաքվի սահմանադրական մեծամասնություն:
«Վաղը մանդատներից հրաժարվելու օրը չէ: Դա չի կարող տեղի ունենալ ընթացակարգով: Դա այն դիրքորոշման գրանցման հանրային ակտ է, որ ընդդիմությունը շարունակում է բոյկոտի ռեժիմը և այն դարձնում է ավելի արմատական: Մեր դիրքորոշումն այս պարագայում միանշանակ է: Մենք չենք մասնակցելու այս ընթացակարգին: Մենք պարզապես զբաղված ենք մեր ներքին խնդիրներով: Մենք պետք է որոնենք անհրաժեշտ փաստաթղթեր և այժմ պատրաստ չենք, սակայն մեր դիրքորոշումը միանշանակ է և պարզ, «Գիրչին» մենակ չի մտնի խորհրդարան, այնտեղ անհրաժեշտ են այլ պատգամավորներ, ովքեր պետք է օգնեն մեզ փոխել սահմանադրությունը: Եթե խորհրդարանում 113-ից պակաս պատգամավոր լինի, «Գիրչի»-ն այնտեղ չի մտնի: Դա շատ պարզ է: Ըստ այդմ, նույնպես կհրաժարվի մանդատներից:
Մեր դիրքորոշումը հայտարարել էինք հրապարակավ, որ «Գիրչին» կմտնի խորհրդարան, եթե լինի սահմանադրական մեծամասնության համար անհրաժեշտ մարդ, որպեսզի մենք կարողանանք կատարել մեր ուզած փոփոխությունները: Դրա համար անհրաժեշտ է, որ այնտեղ լինի նաև «Ազգային շարժումը»: Առանց նրանց, սահմանադրական մեծամասնության համար պարզապես բավարար չէ: «Գիրչին» խորհրդարանում կլինի այն դեպքում, եթե այնտեղ լինի սահմանադրական մեծամասնություն և կստանան ամբողջովին համամասնական ընտրություններ, բնական շեմով կամ դրան մոտ համակարգով»,- հայտարարել է Յագո Խվիչիան: