Վրաստանի արտաքին գործերի նախարար Միխեիլ Ջանելիձեն համարում է, որ Վրաստանի նախկին վարչապետ Վանո Մերաբիշվիլու գործը քաղաքական գործիչների գնահատականի կարիք չունի:
«Վանո Մերաբիշվիլու գործը չպետք է գնահատեն քաղաքական գործիչները»,- հայտարարել է Միխեիլ Ջանելիձեն՝ լրագրողների կողմից ուղղված հարցին – ինչպես կգնահատվի «Եվրոպայի ժողովրդական կուսակցության» առաջնորդի հայտարարությունը, որտեղ Ջոզեֆ Դոլը խոսում է Վանո Մերաբիշվիլուն ազատ արձակելու մասին:
«Այս հարցին գնահատական չպետք է տան քաղաքական գործիչները: Ընդունվել է իրավական որոշում և այդ առիթով մեկնաբանություններ է արել արդարադատության նախարարը»,- հայտարարել է Միխեիլ Ջանելիձեն:
«Եվրոպայի ժողովրդական կուսակցության նախագահ Ջոզեֆ Դոլը հայտարարել էր, որ Վանո Մերաբիշվիլին քաղաքական բանտարկյալ է և մարդու իրավունքների եվրոպական դատարանի որոշումից հետո, Վրաստանի իշխանությանը նրան պետք է անհապաղ ազատ արձակեր:
