Թուրքիայում ավտոբուսն ընկել է ձորը, ինչի հետևանքով զոհվել է 5 մարդ, վիրավորվել՝ 38-ը
Թուրքիայում զբոսաշրջային ավտոբուսն ընկել է ձորը։ Արդյունքում հինգ մարդ մահացել է, 38-ը՝ վիրավորվել։ Տեղեկությունը տարածում են տեղական լրատվամիջոցները։
Միջադեպը տեղի է ունեցել Բուրսա նահանգում։ Ըստ նախնական տեղեկությունների՝ վնասվել է ավտոբուսի արգելակը, վարորդը չի կարողացել կառավարել ղեկը, և ավտոբուսն ընկել է ձորը։
Տեղում մոբիլիզացվել են շտապօգնությունն ու ոստիկանությունը։
Մահացածների թվում է նաև ավտոբուսի վարորդը։
Միջադեպի հետաքննությունը շարունակվում է։