Թուրքիայի պաշտպանության նախարարությունը հայտարարել է, որ Սև ծովում հետախուզական և մոնիթորինգային գործողություն է անցկացվել երկրի ռազմածովային և ռազմաօդային ուժերի մասնակցությամբ։

«Տարածաշրջանային պատասխանատվության սկզբունքի շրջանակներում մենք միջոցներ ենք ձեռնարկում Ուկրաինայում շարունակվող պատերազմի հետ կապված ծովային սպառնալիքների դեմ», – ասվում է Թուրքիայի պաշտպանության նախարարության հայտարարության մեջ, որը տարածել են թուրքական լրատվամիջոցները։

Ըստ նրանց՝ այս միջոցառումները նպատակ ունեն ապահովել Թուրքիայի ծովային գոտիների, ինչպես նաև կարևորագույն ստորջրյա և մակերևութային օբյեկտների անվտանգությունը։ «Սա ներառում է հետախուզական և մոնիթորինգ՝ օգտագործելով թուրքական ռազմածովային և ռազմաօդային ուժերը, ինչպես նաև շարունակական գործունեությունը Սև ծովի ականազերծման խմբի շրջանակներում», – հայտնել են թուրքական զինվորականները։