Թուրքիայի ներքին գործերի նախարար Մուստաֆա Չիֆթչին հայտարարել է, որ Ստամբուլում Իսրայելի հյուպատոսության մոտ տեղի ունեցած զինված հարձակմանը մասնակցել է երեք հոգի։

Նրա խոսքով՝ բախման ժամանակ երկու ոստիկան թեթև վիրավորում է ստացել։

Մուստաֆա Չիֆթչին նաև նշել է, որ հարձակվողները կապեր են ունեցել մի կազմակերպության հետ, որը մանիպուլացնում էր կրոնը։

«Երեք անձինք, ովքեր Ստամբուլում՝ Yapı Kredi Plaza համալիրի առջև, մասնակցել են զինված բախմանը ոստիկանների հետ, վնասազերծված են: Փոխհրաձգության ժամանակ մեր երկու հերոս ոստիկանները թեթև վիրավորվել են: Ահաբեկիչների ինքնությունը պարզված է: Հաստատվել է, որ Իզմիթից վարձակալած մեքենայով Ստամբուլ ժամանած անձանցից մեկը կապ ունի մի կազմակերպության հետ, որը մանիպուլացնում էր կրոնը: Պարզվել է նաև, որ երկու ահաբեկիչներից մեկը, ովքեր եղբայրներ են, թմրանյութերի հետ կապված իրավական անցյալ ունի»,- ասված է հայտարարության մեջ:

«Բի-բի-սի»-ի փոխանցմամբ՝ Ստամբուլում Իսրայելի հյուպատոսության մոտ տեղի ունեցած հրաձգությունից հետո մեկ զինված անձ սպանվել է, իսկ երկուսը վիրավոր են:

Տարածված տեղեկությունների համաձայն՝ հարձակվողները կրում էին երկարափող զենքեր: Շենքին հարող տարածքն այս պահին փակ է։