Թուրքիայի նախագահ Ռեջեփ Թայիփ Էրդողանը նամակ է հղել Պոլսո հայոց պատրիարքին՝ կոչ անելով զարգացնել բարիդրացիական հարաբերություններ Հայաստանի հետ
Թուրքիայի նախագահ Ռեջեփ Թայիփ Էրդողանը նամակ է հղել Պոլսո հայոց պատրիարք Սահակ Մաշալյանին՝ կոչ անելով զարգացնել բարիդրացիական հարաբերություններ Հայաստանի հետ: Համապատասխան տեղեկատվությունը տարածում է թուրքական «Անադոլու» գործակալությունը:
Նամակում Թուրքիայի նախագահը նշում է, որ 1915 թվականի իրադարձությունների շուրջ Հայաստանի հավակնությունների հետ կապված բանավեճը, որը երրորդ կողմերը քաղաքականացրել են և վերածել միջամտության գործիքի, ոչ մեկին ձեռնտու չէ:
«Մենք թույլ չենք տա մոռանալ թուրքերի և հայերի դարավոր համակեցության մշակույթը», – ասված է Էրդողանի նամակում: