Թուրքիան սիրիայի հետ սահմանին կենտրոնացնում է իր զորքերը: Ինչպես հաղորդվում է, դա հնարավոր է կապված լինի նոր ռազմական գործողության հետ, որի վերսկսումը անոնսավորել է Թուրքիայի նախագահը:

Ինչպես հայտարարել է Էրդողանը, գործողության նպատակը Եփրատ գետի արևելյան մասից սիրիացի քուրդ մարտիկներին դուրս մղելն է և անվտանգության գոտու ստեղծումը:

Ըստ թուրքական մամուլի, զորքերն ու տեխնիկան արդեն մեկնել են Սիրիայի սահման:

Եթե ​​զինվորականներն անցնեն սիրիական սահմանը, դա կլինի երրորդ ռազմական գործողությունը, որը Անկարան կկատարի Սիրիայի տարածքում: Սիրիայում Թուրքիայի քայլերը գնահատում  են որպես միջազգային իրավունքի խախտում:

Սիրիայի արտգործնախարարությունում հայտարարել են, որ թուրք զինվորականները պետք է անհապաղ հեռանան Սիրիայի տարածքից: