Դոնալդ Թրամփ. Երկու ու կես դար շարունակ մեր Ամերիկյան Հանրապետությունը համարվել է մարդկության պատմության մեծագույն նվաճումը, այս երկիրը ազատության հայրենիքն է, սա ազատության երկիրն է
Երկու ու կես դար շարունակ մեր ամերիկյան հանրապետությունը համարվել է մարդկության պատմության մեծագույն նվաճումը, այս երկիրը ազատության հայրենիքն է, սա ազատների երկիրն է,- ասել է ԱՄՆ նախագահ Դոնալդ Թրամփը Միացյալ Նահանգների 250-ամյակին նվիրված միջոցառման ժամանակ։
ԱՄՆ նախագահի խոսքով՝ ամերիկյան հանրապետությունը դեռևս ամուր կանգնած է, ինչը նրա հիմնադիրների պատիվն է։
«Եվ սա ամենաանսովոր, ամենաուշագրավ, ամենաանհավանական ազգի դրոշն է, որը երբևէ կանգնած է եղել երկրի երեսին։ Եվ հիմա մենք ավելի լավն ենք, քան երբևէ։ Ավելի քան 250 տարի աշխարհը տեսել է մեծ կայսրություններ, հսկայական թագավորություններ, հզոր ազգեր և սարսափելի բռնակալներ։ Նրանք եկել և գնացել են։ Բայց երկու ու կես դար անց այս Ամերիկյան Հանրապետությունը դեռևս կանգնած է բարձր և ուժեղ։ Եվ մենք սիրում ենք միմյանց։ Եվ այս ամերիկյան դրոշը դեռևս ծածանվում է հպարտորեն, ազատորեն և գեղեցիկ։ Մենք ծաղկում ենք, որովհետև մեր հիմնադիրները մեծ էին։ Մեր գործը արդար էր։ Մեր ժողովուրդը քաջ է։ Մեր մշակույթը յուրահատուկ է։ Եվ մեր ճակատագիրը գրված է Աստծո կողմից», – ասել է Դոնալդ Թրամփը։