Վրաստանի մշակույթի նախարար Թինաթին Ռուխաձեն հանդիպել է Վրաստանում Իսրայելի Պետության նորանշանակ արտակարգ և լիազոր դեսպան Վալիդ Աբու Հայայի հետ։

Հանդիպման ընթացքում քննարկվել են Վրաստանի և Իսրայելի Պետության միջև կինոյի, երաժշտության, գրականության և այլ մշակութային ոլորտներում համագործակցության ակտիվացումը, ինչպես նաև համատեղ նախագծերի իրականացման կարևորությունը։

Կողմերը պատրաստակամություն են հայտնել աջակցել մշակութային կապերի հետագա ամրապնդմանն ուղղված նոր նախաձեռնություններին և ցանկություն են հայտնել ստորագրել մշակույթի ոլորտում համագործակցության հուշագիր։

Թինաթին Ռուխաձեն Վալիդ Աբու Հայային մաղթել է հաջողություններ իր հետագա գործունեության մեջ։

Հանդիպմանը մասնակցել են Վրաստանի մշակույթի նախարարության միջազգային հարաբերությունների վարչության պետ Զուրաբ Բակուրաձեն և նույն վարչության գլխավոր մասնագետ Գիորգի Նադիրաշվիլին։

Տեղեկատվությունը հրապարակել է Վրաստանի մշակույթի նախարարությունը։