«Ազգային շարժման», Միխեիլ Սահակաշվիլիի անունից, շնորհավորում ենք ուկրաինացի ժողովրդին Անկախության օրվա կապակցությամբ։ Ազատ աշխարհի համար Ուկրաինան դարձել է պայքարի խորհրդանիշ և դառնալու է նաև հաղթանակի խորհրդանիշ, – այս մասին հայտարարել է «Ազգային շարժման» նախագահ Թինա Բոկուչավան։

Կուսակցության տարածած տեղեկատվության համաձայն՝ Ուկրաինայի Անկախության օրվա կապակցությամբ «Միասնական ազգային շարժման» նախագահ Թինա Բոկուչավան և կուսակցության առաջնորդները գտնվում են Ուկրաինայում։

«Շնորհավորում ենք Ուկրաինային Անկախության օրվա կապակցությամբ։ Շնորհավորում ենք մարտական, տոկուն ժողովրդին Անկախության օրվա կապակցությամբ։ Ուկրաինան ամբողջ ազատ աշխարհի համար դարձել է պայքարի խորհրդանիշ, բայց այստեղ առավել համոզվում ենք, որ Ուկրաինան նաև դառնալու է հաղթանակի խորհրդանիշ։ Կհաղթի Ուկրաինան, կհաղթի Վրաստանը և չենք թողնի, որ դավաճան Իվանիշվիլին հնարավորություն ստանա Վրաստանը թողնելու պարտվածի ավերակների մեջ։ Իվանիշվիլիի դավաճան ռեժիմը չի կարողանում գալ Ուկրաինա։ Մենք այստեղ ենք՝ «Միասնական ազգային շարժման», նախագահ Միխեիլ Սաակաշվիլիի անունից, որպեսզի ուկրաինացի ժողովրդին և ժողովրդի կողմից ընտրված իշխանությանը փոխանցենք վրաց ժողովրդի աջակցությունն ու համերաշխությունը։ Ուկրաինան անպայման ձեռք կբերի երկարատև, արժանապատիվ, իսկական խաղաղություն, և Վրաստանն էլ անպայման կհասնի խաղաղության։ Փա՜ռք Ուկրաինային, փա՜ռք Վրաստանին։ Թող Աստված պահպանի Վրաստանը, թող Աստված պահպանի Ուկրաինան», – հայտարարել է Թինա Բոկուչավան։