Ինֆեկցիոն հիվանդանոցի տնօրեն Թենգիզ Ցերցվաձեն ասում է, որ աշխարհում արագ աճում է կորոնավարակով վարակվածների թիվը, և աճ է սպասվում նաև Վրաստանում:

«Քանի դեռ ինքնին վարակի բնույթում տեղի չի ունեցել փոփոխություն, շատերն ակնկալում են, որ գլոբալ տաքացման հետ կապված համաճարակը կդառնա այնպիսին, ինչպիսին սովորական գրիպն է: Բնական ցիկլերի առումով, եթե դա տեղի չի ունենա, որովհետև մենք չգիտենք, թե որն է այս նոր կորոնավարակի բնությունը, մենք ակնկալում ենք, որ այն կաճի, քանի որ Չինաստանի սահմաններից դուրս, աշխարհում վարակվածների թիվը արագ է աճում»,- ասել է Թենգիզ Ցերտցվաձեն:

Ցերտցվաձեն լրագրողներին ասել է, որ Վրաստանը միջազգային հանրության մաս է և գործում է ժողովրդավարական սկզբունքներով:

«Այստեղ բացառվում են տոտալիտար միջոցառումները համաճարակի դեմ պայքարը արդյունավետ դարձնելու համար: Մենք գործում առողջապահության համաշխարհային կազմակերպության հանձնարարականների համաձայն, ինչպես բոլոր եվրոպական երկրները:

Ակնկալվում է, որ վարակվածների թիվը կավելանա, սակայն խնդիրն այն է, որ չգերազանցի կրիտիկական սահմանը»,- ասել է Ցերցվաձեն:

Թենգիզ Ցերտցվաձեն ասել է նաև, որ կորոնավարակով վարակված առաջին հիվանդի ապաքինմանը սպասում են մոտ մեկ շաբաթից:

Ներկայումս Վրաստանում կա կորոնավարակի 13 հաստատված դեպք: Տեղեկությունն այս մասին տեղադրված է Վրաստանի կառավարության կողմից ստեղծված հատուկ կայքում: Բացի այդ, ըստ պաշտոնական տվյալների, 141 մարդ գտնվում է կարանտինի տակ, իսկ 69-ը ստացիոնար հսկողության տակ է: