«Թբիլիսոբան» այս տարի կանցկացվի հոկտեմբերի 3-ին և 4-ին
Այս տարի «Թբիլիսոբան» կնշվի հոկտեմբերի 3-ին և 4-ին, մեծ մասշտաբով, քաղաքի հինգ վայրերում,- հայտարարեց Թբիլիսիի քաղաքապետ Կախա Կալաձեն քաղաքային կառավարության այսօրվա նիստում։
Նրա խոսքով, Ռիղե այգուց և Օրբելիանիի հրապարակից բացի, այցելուներին կդիմավորեն Գուդիաշվիլիի հրապարակը, Լեղվթախևին, Եվրոպայի հրապարակը և Մետեխիի կամուրջը։
«Տարածք ժամանող հյուրերին կդիմավորեն բազմազան մշակութային, ժամանցային, կրթական և դիտարժան միջոցառումներ։ Ավանդաբար, միջոցառման տարածքում կտեղադրվեն տոնական զարդարանքներ և ինստալյացիաներ, լուսանկարչական գոտիներ, հանգստի գոտիներ և բացօթյա կինոթատրոն։ Կկազմակերպվեն ձեռնարկատիրական և գաստրոնոմիկ գոտիներ, որտեղ կներկայացվի վրացական և արտասահմանյան խոհանոց, կկազմակերպվեն խոհարարական գոտիներ և վարպետության դասեր, արագ սննդի կետեր, ավանդական նուգայի, մեղրի և գինու ցուցահանդես-վաճառք-համտես, ինչպես նաև ժամանակակից հրուշակեղեն», – ասաց Կախա Կալաձեն։
Նրա խոսքով, Թբիլիսիի պատվավոր քաղաքացիների պարգևատրման արարողությունը կկայանա հոկտեմբերի 4-ին, ժամը 20:00-ին, որը կհեռարձակվի ուղիղ եթերում։
«Օրվա ընթացքում բոլոր վայրերում կանցկացվեն մանկական համերգներ, ժամանցային և սպորտային միջոցառումներ: Երկու օրերի ծրագիրը կեզրափակվի երաժշտական երեկոներով և թատերական ներկայացումներով: Ամբողջական ծրագիրը՝ մանրամասն նկարագրությամբ, կարող եք գտնել Թբիլիսիի քաղաքապետարանի պաշտոնական կայքում», – նշել է Կախա Կալաձեն: