Ներքին գործերի նախարարության պարեկային ոստիկանության վարչության հաղորդմամբ, նոյեմբերի 8-ին, Թբիլիսիում, Ռուսթավելի պողոտայում ընդդիմադիր կուսակցությունների կողմից կազմակերպված ցույցի պատճառով մայրաքաղաքի որոշ շրջաններում երթևեկությունը սահմանափակված է:

Ըստ ՆԳՆ-ի, ժամը 14:00-ից երթևեկությունն ամբողջությամբ արգելված է Ռուսթավելի պողոտայում, նախկին փոստի շենքից մինչև Ազատության հրապարակ:

«Բացի այդ, տրանսպորտի հոսքը չի կարող շարժվել Ռուսթավելի պողոտա դուրս եկող որևէ փողոցով. Ալեքսանդր Ճավճավաձեյի, Միտրոպան Լաղիձեյի, Բեսիկի, Ապրիլի 9-ի, Զաքարիա ՃիՃինաձեի, Սուլխան-Սաբայի, Եղբայր Զուբալաշվիլիների (մասամբ), Ինգորողվայի, Լեսյա ՈՒկրաինկայի, Մեսխիայի, Ռևազ Լաղիձեի, Վասո Աբաշիձեի, Գիա Ճանտուրիայի, Արչիլ Ջորջաձեի և Անտոն Փուրցելաձեի փողոցներով: Հետեւաբար, տրանսպորտային միջոցները շարժվում են այլընտրանքային երթուղիներով:

Երթևեկության անվտանգ տեղաշարժը կարգավորվում է պարեկային ոստիկանության աշխատակիցները: Անհրաժեշտության դեպքում վարորդները պարեկային տեսուչներից կստանան լրացուցիչ ցուցումներ»,- ասված է ՆԳ նախարարության հայտարարության մեջ: