Ներքին գործերի նախարարության Թբիլիսիի ոստիկանության դեպարտամենտի Իսանի-Սամգորիի գլխավոր վարչության աշխատակիցները, իրականացված օպերատիվ միջոցառումների և քննչական գործողությունների արդյունքում, 1991 թվականին ծնված Դ.Մ.-ին բերման են ենթարկել մեծ քանակությամբ թմրամիջոցի ապօրինի ձեռքբերման և պահման, ինչպես նաև հատկապես մեծ քանակությամբ թմրամիջուկ պարունակող բույսի ապօրինի ցանման, աճեցման և մշակման մեղադրանքով։ Այս մասին տեղեկություն է տարածում ՆԳՆ-ն։

Ըստ գերատեսչության՝ հանցագործությունները նախատեսում են ազատազրկում մինչև 12 տարի ժամկետով։

«Իրավապահները թմրահանցագործության մեղադրանքով ձերբակալված Դ.Մ.-ի բնակարանում՝ հատուկ կառուցված ջերմոցից, առգրավել են թմրամիջոց պարունակող 14 բույս՝ «կանեփ» և երեք մետաղե տարայում պահված «չորացված մարիխուանա»՝ որպես ապացույց։

Նաև առգրավվել են թմրամիջոցների փաթեթավորման համար անհրաժեշտ նյութեր, էլեկտրոնային սարքավորումներ, 25 150 լարի, 670 ԱՄՆ դոլար և 120 եվրո։

Քննությունը շարունակվում է Քրեական օրենսգրքի 260-րդ և 265-րդ պրիմա հոդվածներով», – ասված է ՆԳՆ-ի կողմից տարածված տեղեկատվությունում։