Թբիլիսիում առատ տեղումները խնդիրներ են առաջացրել
Մայրաքաղաքում առատ տեղումները խնդիրներ են առաջացրել: Թբիլիսիի քաղաքապետարանի տվյալներով՝ վնասվել է քաղաքի ենթակառուցվածքը։
Քաղաքապետարանի տվյալներով՝ Թբիլիսիի մի քանի վայրերում էլեկտրահաղորդման աշտարակներ են փլուզվել։
«Հատկապես ուշադրության են արժանի ծառերի ճյուղերի կոտրվելու և ծառերի ընկնելու փաստերը՝ առատ ու թաց ձյան պատճառով։ Այդ պատճառով հատկապես վտանգավոր է ծառերի տակով շարժվելը։ Վերջին 24 ժամվա ընթացքում գրանցվել են զանգվածային ծառերի ընկնելու դեպքեր, որոնք վնասել են էլեկտրահաղորդման գծերը, արտաքին լուսավորության սյուները, մեքենաները և փակել ճանապարհները։ Տարբեր հասցեներում կտրվել են ինտերնետային մալուխներ, որոնք մատակարար ընկերությունները ակտիվորեն վերականգնում են։
Տեղեկատվություն ստանալուն պես անհապաղ արձագանք է տրվում, Թբիլիսիի «Էկոսպասարկման խումբը» և շրջանային վարչակազմի բրիգադները 24-ժամյա աշխատում են ճանապարհները մաքրելու և խնդիրները վերացնելու համար։
«Մենք նաև ցանկանում ենք շնորհակալություն հայտնել Ներքին գործերի նախարարությանը համագործակցության և արագ գործողությունների համար», – ասվում է քաղաքապետարանի հայտարարության մեջ։