Թբիլիսիի մսուր մանկապարտեզներից մեկի մանկավարժի մոտ հայտնաբերվել են տուբերկուլյոզի նշաններ, որի պատճառով կանխարգելման նպատակով այն խմբի դաստիարակվողները, ովքեր անմիջական կապ են ունեցել մանկավարժի հետ անցնելու են հատուկ ստուգում: Այս մասին ասված է Թբիլիսիի մսուր մանկապարտեզների կառավարման գործակալության կողմից տարածված հաղորդագրության մեջ:

«Թբիլիսիի թիվ 152 մանկապարտեզի մանկավարժներից մեկի մոտ հաստատվել են տուբերկուլյոզի նշաններ: Մանկավարժը անցնում է բուժզննում, որից հետո նշանակվելու է բուժման կուրսը:

Թոքային հիվանդությունների և տուբերկուլյոզի կենտրոնի հանձնարարականներով, կանխարգելման նպատակով մանկապարտեզի այն խմբի դաստիարակվողները, ովքեր անմիջական կապ են ունեցել մանկավարժի հետ անցնելու են հատուկ ստուգում:

Այս միջոցառումների հետ կապված բոլոր ծախսերը հոգալու է մսուր մանկապարտեզների կառավարման գործակալությունը:

Թբիլիսիի մանկապարտեզների անձնակազմը պարբերաբար ենթարկվում է բժշկական հետազոտությունների և պետք լինելու դեպքում նրանց նշանակվում է բուժում: Այս փորձը շարունակվելու է նաև ապագայում, քանզի ժամանակին հայտնաբերենք նման դեպքերը»,-ասված է մանկապարտեզների կառավարման գործակալության հայտարարության մեջ: