Թբիլիսիի մետրոյի առաջին գծում գնացքների երթևեկությունը խափանված է
Թբիլիսիի մետրոյի առաջին գիծը ուղևորներին սպասարկում է ուշացումներով,- այս մասին Վրաստանի Առաջին ալիքին հայտնել են Թբիլիսիի տրանսպորտային ընկերությունից։
Ըստ նրանց, Թբիլիսիի մետրոյի առաջին գծում Դիդուբե մետրոկայարանում գնացքի տեխնիկական խափանման պատճառով երթևեկությունն իրականացվում է գոտիներով։
«Գնացքները երթևեկում են Վարկեթիլի մետրոկայարանից դեպի Կայարանի հրապարակ, իսկ Կայարանի հրապարակից դեպի Ախմետելի թատրոն՝ ուղևորափոխադրումը դադարեցված է։ Տեխնիկական խումբ է մեկնել դեպքի վայր, խափանումը վերացնելու համար։ Թբիլիսիի մետրոյի Սաբուրթալոյի գիծը շարունակում է աշխատել սովորականի պես», – հայտնել են տրանսպորտային ընկերությունից։
Ինչպես նշել են ընկերությունում, դեռևս հայտնի չէ, թե որքան ժամանակ կպահանջվի տեխնիկական խափանումը վերացնելու համար։