Թայվանը տեղեկացնում է Չինաստանի ռազմական ինքնաթիռների լայնածավալ ներխուժման մասին: Ըստ Թայվանի ղեկավարության, հունվարի 24-ի գործողությանը մասնակցել է 15 ռազմական ինքնաթիռ:

Չինաստանը Թայվանը համարում է իր անջատողական տարածքը, մինչդեռ Թայվանն իրեն տեսնում է որպես ինքնիշխան պետություն: Վերլուծաբանների կարծիքով, Չինաստանը ստուգում է Ջո Բայդենի ՝ Թայվանի նկատմամբ աջակցության մակարդակը:

Թայվանի իշխանությունները հայտնում են, որ չինական ռազմական ինքնաթիռները երկրորդ օրն անընդմեջ թռչում են կղզու մոտակայքում: Հաղորդվում է, որ հունվարի 23-ին ութ չինական միջուկային զենք տեղափոխող ռմբակոծիչ, չորս կործանիչ և մեկ հականավային ինքնաթիռ մուտք են գործել, Թայվանի հարավարևմտյան օդային նույնականացման գոտի: Հունվարի 24-ի դրությամբ Թայվանի իշխանությունները հայտնել են 12 կործանիչների, երկու հականավային ինքնաթիռի և մեկ հետախուզական ինքնաթիռների ներխուժման մասին:

Ամերիկայի Միացյալ Նահանգների պետքարտուղարությունում ասում են, որ Թայվանի հետ խորացնելու են կապերը: Պեկինում չեն բացառում կղզու վրա լիակատար վերահսկողություն հաստատելու համար ուժի գործադրումը: