Մենք աշխատում ենք կլինիկաների հետ և լրացուցիչ 16 հիվանդանոցներ, ինչպես նաև 15 առաջնային առողջապահական հաստատություններ պատրաստ են աստիճանաբար ներգրավվել պատվաստումների ծրագրին, – ասաց առողջապահության փոխնախարար Թամար Գաբունիան:

Նրա խոսքով, աշխատանքներ են տարվում հասարակական վայրերում պատվաստումների կենտրոններ ստեղծելու ուղղությամբ, որոնք վերահսկվելու են առողջապահության նախարարության կողմից:

«Ինչ-որ չափով, բժշկական հաստատությունները ընթացիկ ժամանակահատվածում ունեցել են մեծ ծանրաբեռնվածություն` կորոնավիրուսի դեպքերի աճի պատճառով: Նրանց համար դժվար էր ստանձնել լրացուցիչ գործառույթ: Բայց հիմա լավ է, որ այդ բեռը աստիճանաբար նվազում է, և նրանք պատրաստակամություն են հայտնել ընդգրկվել պատվաստումների ծրագրին: Սա, իհարկե, կօգնի Թբիլիսիին ստեղծել լրացուցիչ տեղեր: Աշխատանքներ են տարվում նաև հասարակական վայրերում պատվաստումների կենտրոններ ստեղծելու ուղղությամբ, որոնք, իհարկե, վերահսկելու է առողջապահության նախարարությունը: Անվտանգության և որակի չափանիշները հնարավորինս կլինեն պաշտպանված: Ինչ վերաբերում է գործընթացին լրացուցիչ մասնակցությանը և ֆինանսական դրդապատճառներին, դա նույնպես շատ կարևոր է: Մենք հաշվի ենք առել լրացուցիչ ծախսերը: Կարծում եմ՝ այս շաբաթ ֆինանսների նախարարությունը կներկայացնի պատվաստումների ծրագիրն իրականացնելու համար անհրաժեշտ ամբողջական վերահաշվարկ այնպես, որ մատակարարն ունենա նաև ֆինանսական մոտիվացիա: Նախատեսվում է վերանայել սակագինը», – ասաց Թամար Գաբունիան: