Թաիլանդի դպրոցներից մեկում տեղի ունեցած հրաձգության հետևանքով զոհվել է վեց մարդ
Թաիլանդի դպրոցներից մեկում տեղի ունեցած հրաձգության հետևանքով զոհվել է վեց մարդ, որոնցից մեկը ուսուցիչ է, իսկ 15-ը վիրավորվել են. այս մասին հայտնում է «ԲիԲիՍի»-ն:
Լրատվամիջոցի փոխանցմամբ՝ հրաձգությունը տեղի է ունեցել Թաիլանդի մայրաքաղաք Բանգկոկի արվարձանում՝ Նոնթաբուրի նահանգում գտնվող Debsirin դպրոցում:
Տեղական լրատվամիջոցների և ոստիկանության տվյալներով՝ հարձակվողը դպրոցի իններորդ դասարանի 14-ամյա աշակերտ էր: Տարածված տեղեկությունների համաձայն՝ նա հրաձգությունից հետո ինքնասպանությամբ վերջ է տվել կյանքին:
Միջադեպից հետո դեպքի վայր են ժամանել շտապօգնության և իրավապահ մարմինների աշխատակիցները:
Թաիլանդում Debsirin դպրոցը համարվում է ամենահեղինակավոր ուսումնական հաստատություններից մեկը, որն երկրի ողջ տարածքում ունի մի քանի մասնաճյուղ:
Ի գիտություն, Թաիլանդում հրազենի մասին օրենսդրությունը խիստ է, և զենքի ապօրինի պահումը պատժվում է մինչև 10 տարի ազատազրկմամբ: Չնայած դրան, վերջին տարիներին Թաիլանդում բազմաթիվ հարձակումներ են տեղի ունեցել: