Տեխասում ջրհեղեղի զոհերի թիվը հասել է 82-ի
Տեխասում ջրհեղեղի զոհերի թիվն աճում է։ Վերջին տվյալների համաձայն՝ աղետի հետևանքով զոհվել է 82 մարդ, այդ թվում՝ 28 երեխա։
Քերի շրջանում՝ Գվադալուպե գետի ափին գտնվող քրիստոնեական ամառային ճամբարի 11 դեռահաս և ճամբարի տնօրենը դեռևս անհետ կորած են։
Տեխասի նահանգապետը զգուշացնում է բնակիչներին, որ դեռևս կա աղետի կրկնության վտանգ և կոչ է արել Քերի շրջանում գտնվող Հանթի բնակիչներին տեղափոխվել ավելի բարձր վայրեր։
Հիշեցնենք, որ ուրբաթ օրը Տեխասում տեղի են ունեցել ուժեղ ջրհեղեղներ։ Աղետից ամենաշատը տուժել է Քերի շրջանը։