Ճապոնիայում երկրաշարժի հետևանքով առնվազն 50 մարդ է տուժել
Լրատվամիջոցների տեղեկատվությամբ՝ Ճապոնիայում 7.1 մագնիտուդով երկրաշարժի հետևանքով Կումամոտոյի նահանգում առնվազն 50 մարդ է տուժել: Մասնակիորեն փլուզվել է առևտրի կենտրոններից մեկը: Իշխանությունները մտավախություն ունեն, որ հնարավոր է լինեն նաև զոհեր:
Այս պահի դրությամբ առևտրի կենտրոնի տարածքում քաղաքացիներ են արգելափակված, որոնք չեն կարողանում դուրս գալ: Ինչպես գրում են լրատվամիջոցները, տարածքում հնչել է նաև պայթյունի ձայն, ինչին հաջորդել է հրդեհ:
Տարածված տեղեկությունների համաձայն՝ մի քանի մարդ տուժել է արագընթաց գնացքում, որը տեղաշարժվում էր երկրաշարժի պահին: Վնասվել են նաև ավտոճանապարհները:
Ճապոնիայի վարչապետ Սանաե Տակաիչիի հայտարարությամբ՝ փրկարարական գործողություններում ներգրավված է շուրջ 3 600 զինվորական:
Այս պահի դրությամբ ցունամիի սպառնալիքի մասին զգուշացումը չեղարկվել է: