Ճանապարհի վերականգնման պատճառով Զղվիսուբանիում՝ Բոթերաշվիլիի փողոցում, ավտոմոբիլային երթևեկությունը ժամանակավորապես սահմանափակվել է

Նաձալադևի շրջանի Բոթերաշվիլի փողոցում ճանապարհաշինարարական աշխատանքների պատճառով տրանսպորտային միջոցների երթևեկությունը ժամանակավորապես սահմանափակվել է։

Թբիլիսիի քաղաքապետարանի տեղեկացմամբ՝ երկկողմանի սահմանափակումը կգործի Ռոմելաշվիլի փողոցից մինչև թիվ 154 հանրակրթական դպրոց ընկած ճանապարհահատվածում՝ մինչև աշխատանքների ավարտը։

Սահմանափակման ժամանակահատվածում հասարակական տրանսպորտը, մասնավորապես՝ N317, N386, N375 ավտոբուսները և N510 միկրոավտոբուսը, կերթևեկեն Աբայիս և Ռոմելաշվիլի փողոցներով։

«Այս պահին Բոթերաշվիլի փողոցի վնասված հատվածում ստորգետնյա հաղորդակցուղիների վերանորոգման ուղղությամբ աշխատում է «Georgian Water and Power» ընկերությունը, ինչպես նաև գազատար ցանցի վերականգնողական աշխատանքներ կիրականացնի «Tbilisi Energy» ՍՊԸ-ն։ Ստորգետնյա աշխատանքների ավարտից հետո ասֆալտբետոնե ծածկույթի տեղադրումը կապահովի Նաձալադևի շրջանի վարչակազմը։ Թբիլիսիի քաղաքապետարանը հայցում է ձեր ներողամտությունը պատճառված անհանգստության համար», – ասված է հաղորդագրության մեջ։