Ծանրամարտի Եվրոպայի առաջնության համար Կոսովոյի պատվիրակությունը Վրաստան կայցելի առանց այցեգրի, սակայն Վրաստանի կառավարությունում պարզաբանում են, որ դա չի նշանակում Կոսովոյի անկախության ճանաչում
Ծանրամարտի Եվրոպայի առաջնությանը մասնակցող Կոսովոյի պատվիրակությանը իրավունք է տրվում առանց այցեգրի ժամանել Վրաստան: Այդ նպատակով հրապարակվել է կառավարության հրամանագիր, որը ստորագրում է վարչապետ, Մամուկա Բախտաձեն:
Մրցումը տեղի է ունենալու ապրիլի 3-13-ին Բաթումիում:
«Հրամանագրում նշված անձանց մուտքը Վրաստանի տարածք և նրանց եվրոպայի առաջնությանը մասնակցելը, չի նշանակում, որ Վրաստանը ճանաչել է Կոսովոյի անկախությունը»,-ասված է փաստաթղթում:
Կոսովոյի համար նման որոշում ընդունվել է նաև Վրաստանում անց կացրած այլ մարզական միջոցառումների ժամանակ: