Սուրբ Երրորդության տաճարը բաց կլինի օրական 24 ժամ՝ Իլյա Երկրորդի պատվին
Վրաստանի պատրիարքարանի հասարակայնության հետ կապերի ծառայության տեղեկատվությամբ՝ Վրաստանի Կաթողիկոս-Պատրիարք Իլիա Երկրորդին հարգանքի տուրք մատուցելու համար Սուրբ Երրորդություն (Սամեբա) պատրիարքական տաճարը բաց կլինի 24 ժամ շարունակ։
«Նորին Սրբություն և Երանություն, Համայն Վրաստանի Կաթողիկոս-Պատրիարք Իլիա II-ին հարգանքի տուրք մատուցելու համար Սուրբ Երրորդություն պատրիարքական տաճարը բաց կլինի 24 ժամվա ընթացքում։ Հոգևորականները և հավատացյալները տաճար գալու և նրա հոգու հանգստության համար հոգեհանգստյան կարգ (պանաշխիդա) անցկացնելու հնարավորություն կունենան մշտապես», – նշված է տեղեկատվության մեջ։
Համայն Վրաստանի Կաթողիկոս-Պատրիարք Իլիա Երկրորդը վախճանվել է մարտի 17-ին 93 տարեկան հասակում։ Պատրիարքի մահվան կապակցությամբ Վրաստանում սուգ է հայտարարվել։
Իլիա Երկրորդին կհուղարկավորեն մարտի 22-ին Սիոնի տաճարում։