Եկեղեցին երբեք չի աջակցել թմրամոլությամբ տառապող հիվանդների նկատմամբ կալանավորմանը, սակայն համարում ենք, որ սահմանադրական դատարանի կողմից թմրանյութի ազատականացման կապակցությամբ արդեն կայացված որոշումը մեծ վտանգ է պարունակում  և լուրջ խթան հանդիսանում թմրանյութերի լայնորեն տարածման և կիրառման համար,- այս մասին նշված է Սուրբ Սինոդի նիստի արձանագրության մեջ, որը հրապարակել է Վրաստանի պատրիարքարանը:

Սուրբ Սինոդի անդամները համարում են, որ «կանեփի պատրաստման թույլտվությունը փաստորեն թմրանյութ վաճառողների օրինականացումն է, որը երկրի համար կունենա ծայրահեղ ծանր հետևանք»:

«Ինչպես հայտնի է, սահմանադրական դատարանում քննարկվում է հայցը՝ թմրանյութ – մարիխուանայի (կանեփի) մինչև 70 գրամ ունենալու դեպքում վարչական պատժի չեղարկման մասին, որը փաստացի նշանակում է այս թմրանյութի օրինականացում:

Եկեղեցին երբեք չի աջակցել թմրամոլությամբ տառապող հիվանդների նկատմամբ կալանավորմանը, սակայն համարում ենք, որ սահմանադրական դատարանի կողմից թմրանյութի ազատականացման կապակցությամբ արդեն կայացված որոշումը մեծ վտանգ է պարունակում  և լուրջ խթան հանդիսանում թմրանյութերի լայն տարածման և կիրառման համար:

Կանեփի պատրաստման թույլտվությունը, փաստորեն, թմրանյութ վաճառելու օրինականացումն է, որը երկրի համար կունենա ծայրահեղ ծանր հետևանք:

Սինոդի նիստի արձանագրությունում ասվում է, որ նիստին առաջ է քաշվել հարց՝ թմրանյութի ազդեցության տակ մահացած անձանց եկեղեցական ձևով հուղարկավորելու մասին:

«Ժողովը քննարկել է և որոշել.

Ստեղծվի հանձնաժողով՝ նշված և այլ ծանրացուցիչ հանգամանքների պատճառով ծագած հարցերը եկեղեցական ընդհանուր դիրքորոշմամբ մշակելու համար»,- ասվում է Սուրբ Սինոդի նիստի արձանագրությունում: