Վրաստանի ներքին գործերի նախարար Սուլխան Թամազաշվիլին ծանոթացման հանդիպում է ունեցել Վրաստանում Հայաստանի Հանրապետության արտակարգ և լիազոր դեսպան Աշոտ Սմբատյանի հետ։

Հանդիպման ընթացքում կողմերը քննարկել են երկու երկրների միջև սերտ և արդյունավետ համագործակցության հարցերը և ընդգծել գործընկերային հարաբերությունների հետագա ամրապնդման կարևորությունը։

Զրույցի ընթացքում անդրադարձ է եղել նաև տարածաշրջանում ընթացող գործընթացներին և անվտանգության հարցերին։

Կողմերը կենտրոնացել են Վրաստանի և Հայաստանի Հանրապետության իրավապահ մարմինների միջև արդյունավետ համագործակցության վրա և պատրաստակամություն հայտնել ապագայում ակտիվորեն շարունակել համատեղ աշխատանքը՝ առկա գործընկերային կապերը ավելի խորացնելու համար։

Այս մասին հայտնում է Վրաստանի ներքին գործերի նախարարության մամուլի ծառայությունը։