Ստամբուլի դատարանը ազատել է Cumhuriyet ընդիմադիր թերթի երկու հայտնի լրագրողի
Ստամբուլի դատարանը ազատել է Cumhuriyet ընդիմադիր թերթի երկու հայտնի լրագրողի: «Ֆրանս պրես» գործակալության լրատվությամբ, երկրից դուրս չգալու պայմանով բանտից ազատվել են հրատարակչության գլխավոր խմբագիր Մուրատ Սաբունջուն և լրագրող Ահմատ Շիկը:
Լրագրողները նախնական կալանքի տակ էին գտնվում արդեն մեկ տարուց ավել: Չնայած դրան, լրագրողներին կրկին սպառնում է բանատարկություն, քանզի նրանք մեղադրվում են ԱՄՆ-ում բնակվող թուրք քարոզիչ Ֆեթհուլա Գյուլենի հետ կապ ունենալու մեջ:
Պաշտոնական Անկարան Գյուլենին մեղադրում է 2016 թվականին Թուրքիայում հեղաշրջում կազմակերպելու փորձի մեջ:
Գյուլենի հետ կապ ունենալու մեղադրանքով ձերբակալված է նաև Cumhuriyet-ի 14 լրագրող:
Թերթի գործադիր տնօրենը մինչև այժմ մնում է բանտարկության մեջ:
Ստամբուլի դատախազությունը նրա համար պահանջում է 7-ից 45 տարով ազատազրկում:
«Այսօր ուրախանալու առիթ չկա, քանզի մեր գործընկերները կրկին բանտարկության մեջ են: Թուրքիայի հիմնախնդիրները մեզ ազատելով չեն ավարտվել»,- ասել է բանտից ազատված լրագրող Ահմետ Շիկը:
Փետրվարին, Թուրքիայի դատարանը Գյուլենի հետ կապ ունենալու մեղադրանքով մի քանի լրագրողի սահմանել էր ցմահ բանտարկություն:
Հեղինակ -
Edgar Barsegyan