Միխեիլ Սաակաշվիլիի առաջարկն ինձ համար շատ մեծ պատասխանատվություն է, դա շատ մեծ պատասխանատվություն է մեր թիմի և ընտրողների համար։ Կարծում եմ՝ պայքարը կլինի մինչև վերջ, ամեն ինչ ընթանում է համակարգված, մենք միասին ենք պայքարելու,- այս մասին ասել է Վրաստանի նախկին նախագահ Միխեիլ Սաակաշվիլիի անձնական ներկայացուցիչ Սոփո Ջափարիձեն։

Ինչպես նշել է Ջափարիձեն, ինքը կիսում է Միխեիլ Սաակաշվիլիի դիրքորոշումը, որ միասնությունն այլընտրանք չունի։

«Միասին մենք պետք է հաղթենք երկրում աղքատությանը, Ռուսաստանի ռեժիմին, և միասին պետք է աշխատատեղեր ստեղծենք, եվրոպական առողջապահական համակարգը, եվրոպական կրթական համակարգը։ Մենք պետք է միասին մեկընդմիշտ դուրս բերենք մեր երկիրը ամենամեծ ճգնաժամից. Միխեիլ Սաակաշվիլին եղել է, կա և միշտ կլինի «Միացյալ ազգային շարժման» անփոխարինելի առաջնորդը։ Նրա ներգրավվածությունը շատ կարևոր է»,- ասել է Ջափարիձեն։

Բացի այդ, ըստ Ջափարիձեի, ինքը ոչ մեկի տեղը չի զբաղեցնում «Ազգային շարժում»-ում։

«Ստեղծվում է նոր վարչություն, և մեր դռները բաց են բոլորի համար։ Շուտով դուք կտեսնեք բազմաթիվ նոր արժանի դեմքեր «Միացյալ ազգային շարժման» շարքերում, եկեք իրադարձություններից առաջ չընկնենք»,- ասել է Ջափարիձեն։

Վրաստանի նախկին նախագահ Միխեիլ Սաակաշվիլին դիմել է «Ազգային շարժմանը»՝ իրեն կուսակցության վարչության նախագահ ընտրելու, իսկ Սոփո Ջափարիձեն լինի իր տեղակալն ու նախընտրական ցուցակի առաջին համարը։