Սոցիոլոգիական հարցման համաձայն՝ լեհերի 47 տոկոսը կարծում է, որ Դոնալդ Տուսկի կոալիցիան արժանի չէ իշխանության գալու ևս մեկ ժամկետի

Լեհերի ավելի քան 47%-ը կարծում է, որ Դոնալդ Տուսկի իշխող կոալիցիան արժանի չէ իշխանության գալու ևս մեկ ժամկետի։ Տեղեկատվությունը տարածում են լեհական լրատվամիջոցները։

UCE Research-ի հարցման արդյունքների համաձայն՝ հարցին, թե արդյոք իշխող «քաղաքացիական կոալիցիան» արժանի է ևս մեկ հնարավորություն, հարցվածների 47.4%-ը պատասխանել է բացասական, իսկ 16%-ը՝ «հավանաբար»։

Տուսկի թիմի նկատմամբ դրական դիրքորոշում է հայտնել հարցվածների 31.4%-ը։

Բացի այդ, օգոստոսին անցկացված մեկ այլ հարցում ցույց է տվել, որ լեհերի գրեթե 60%-ը քննադատաբար է տրամադրված Տուսկի կառավարության նկատմամբ։

Հանրային կարծիքի հարցումն անցկացվել է օգոստոսի 14-ից 16-ը, և հարցմանը մասնակցել է ընդհանուր առմամբ 1011 հարցված։