«Սքանիուս». Օմանի երեք տանկերներ փորձում են հատել Հորմուզի նեղուցն այն հատվածում, որը Իրանը չի վերահսկում

Օմանի երեք տանկերներ փորձում են հատել Հորմուզի նեղուցն այն հատվածում, որը Իրանը չի վերահսկում։ Այս մասին տեղեկատվություն է տարածում «Sky News»-ը։

Լրատվամիջոցների փոխանցմամբ՝ հաջողության դեպքում սա կլինի առաջին դեպքը, երբ նավը կօգտագործի նշված երթուղին նեղուցով անցնելու համար։

Պարբերականը, հղում անելով MarineTraffic նավագնացության մոնիտորինգի հարթակին, գրում է, որ նավթով բարձված «Dhalkut» և «Habrut» տանկերները, բնական գազով բարձված «Sohar LNG» տանկերի հետ միասին, ուղևորվում են դեպի Օմանի նավահանգիստներ։

Տեղեկության համար նշենք, որ ԱՄՆ-ի և Իսրայելի կողմից Իրանի վրա հարձակումների սկսվելու օրվանից ի վեր Հորմուզի նեղուցը լքել են միայն մի քանի նավթատար տանկերներ։ Թեհրանը նեղուցը լքելու թույլտվություն է տվել միայն մի քանի երկրների, որոնք չեն դասվում այսպես կոչված «թշնամական պետությունների» շարքին։