Չինաստանի արտաքին գործերի նախարարությունը խուսափում է Հորմուզի նեղուց նավեր ուղարկելու վերաբերյալ հայտարարություն անելուց։

«Սի Էն Էն» տվյալներով՝ Չինաստանի արտաքին գործերի նախարարությունը կրկին մտահոգություն է հայտնել Հորմուզի նեղուցում և Մերձավոր Արևելքում շարունակվող հակամարտության վերաբերյալ, սակայն ոչինչ չի ասել կենսականորեն կարևոր վայրի անվտանգությունն ապահովելու համար նավեր ուղարկելու մասին։

Չինաստանի արտաքին գործերի նախարարության խոսնակ Լին Չժիյանը իրավիճակը անվանել է «լարված» և ասել, որ այն խաթարում է համաշխարհային կայունությունը։

«Չինաստանը կրկին կոչ է անում բոլոր կողմերին անհապաղ դադարեցնել ռազմական գործողությունները, խուսափել լարվածության հետագա սրումից և կանխել տարածաշրջանային անկայունության ավելի մեծ ազդեցությունը համաշխարհային տնտեսական զարգացման վրա», – ասել է Չինաստանի արտաքին գործերի նախարարության խոսնակը։