Շվեյցարիայում բողոքի ակցիաները վերաճեցին ոստիկանության հետ բախումների
Շվեյցարիայում բողոքի ակցիաները վերաճել են ոստիկանության հետ բախումների։
Ըստ լրատվամիջոցների՝ Ցյուրիխի և Բազելի փողոցներում մի քանի հարյուր մարդ մասնակցել է չարտոնված բողոքի ակցիաների։
Հաղորդվում է, որ ակտիվիստներից ոմանք կրել են Հելոուինի դիմակներ։
Լրատվամիջոցները հայտնում են, որ Ցյուրիխում որոշ մասնակիցներ ոստիկանների դեմ պիրոտեխնիկա են կիրառել և հրկիզել աղբամանները, ինչը հանգեցրել է իրավապահների հետ բախումների։ Բացի այդ, ցուցարարները վնասել են ավտոբուսի կանգառների տանիքները և հեծանիվների ու այլ առարկաների միջոցով բարիկադներ կառուցել։ Ամբոխը ցրելու համար ոստիկանությունը կիրառել է ջրցան մեքենաներ և արցունքաբեր գազ։
Բազելում որոշ ցուցարարներ հրկիզել են աղբամանները, ինչը նույնպես հանգեցրել է ոստիկանության հետ առճակատման։
Ինչպես և եվրոպական այլ երկրներում տեղի ունեցող բողոքի ակցիաների դեպքում, Շվեյցարիայում մասնակիցները բողոքում են կյանքի թանկացման դեմ և պահանջում բարեփոխումներ կրթության ոլորտում։