Շինարարական ընկերությունները, Վարկեթիլիի երրորդ մասիվի բնակելի տների բնակչության հետ, քաղաքապետարանի կողմից ծրագրվող զարգացման ծրագիրը շրջանցելով, վարում են բանակցություններ,- այս մասին Թբիլիսիի քաղաքապետ Կախա Կալաձեն հայտարարել է մայրաքաղաքի կառավարության նիստում:

«Ցավոք, Թբիլիսիում շատ են վթարային շենքերը: Նրանց մի մասը մշակութային ժառանգության հուշարձաններ են: Կան սովորական շենքեր, որոնց վթարային վիճակը սահմանվում է ըստ անվանակարգերի: Այս խնդիրը գոյություն ունի բոլոր շրջաններում, սակայն, այս դեպքում, խոսքը Սամգորիի շրջանի, Վարկեթիլիի երրորդ մասիվի մասին է, որտեղ գտնվում են երրորդ և չորրորդ կարգի բազմաթիվ վթարային շենքեր, իսկ ոմանք էլ հինգերրորդ կարգի են: Այս տարածքի զարգացման հայեցակարգն արդեն մշակվել է քաղաքապետարանի կողմից: Մենք տեսլական ենք դրել այն մասին, թե ինչպես կարելի է զարգացնել այս հատուկ տարածքը և ինչ պետք է կառուցվեն այս վնասված շենքերի փոխարեն»,- հայտարարել է Կախա Կալաձեն:

Ըստ Թբիլիսիի քաղաքապետի, առաջիկայում հայեցակարգը կուղարկվի քաղաքային խորհուրդ, որից հետո շինարարական ոլորտի հետ կսկսվեն հաղորդակցությունները և կհայտարարվի մրցույթ: Իսկ մինչ այդ, մայրաքաղաքի քաղաքապետը շինարարական ընկերության ներկայացուցիչներին կոչ է անում զերծ մնալ կեղծ խոստումներ տալուց:

«Շինարարական ընկերությունների կողմից փորձ կա նախապես գողանալ նախագծերը: Որով մենք ստանում ենք այն, որ բնակչությանը գցում են մոլորության մեջ և նրանք ունեն կեղծ սպասումներ: Ուստի, առաջին հերթին, ես կցանկանայի կոչ անել այն մարդկանց, ովքեր բանակցություններ են վարում ոչլիիրավ տեղեկատվության հիման վրա և որոշակի խոստումներ են տալիս բնակչությանը, զերծ մնալ նման գործողություններից և չվնասել ամբողջ գործընթացը»,- ասել է Կախա Կալաձեն:

Մայրաքաղաքի քաղաքապետը բնակչությանը խորհուրդ է տալիս նախքան հայեցակարգի վերաբերյալ որոշում կայացնելը պայմանագրեր չկնքել: