Շառլ Ազնավուրի պատվին Փարիզի Էյֆելյան աշտարակը լուսավորվել է ոսկեգույնով

Լեգենդար շանսոնյե և դերասան Շառլ Ազնավուրի պատվին Փարիզի Էյֆելյան աշտարակը լուսավորվել է ոսկեգույնով:

Բացի այդ, Ենայի կամրջին, որը տանում է դեպի Էյֆելյան աշտարակ, հնչում են երգչի հայտնի ստեղծագործությունները:

Փարիզի քաղաքապետարանի նախաձեռնությամբ, առաջիկայում որևէ փողոց, պողոտա կամ պուրակ կանվանակոչվի Շառլ Ազնավուրի անունով:

Հիշեցնենք, որ երեկ, թիֆլիսահայությունը Վրաստանում Ֆրանսիայի դեսպանության շենքի դիմաց հարգանքի տուրք էր մատուցել Շառլ Ազնավուրի հիշատակին:

Շառլ Ազնավուրը մահացել է հոկտեմբերի մեկին, Ֆրանսիայի հարավային մասում, 94 տարեկանում:

https://www.facebook.com/brutofficiel/videos/853179801554260/UzpfSTE3NTc3ODIzOTQ0NzE0MDA6Vks6ODUzMTc5ODAxNTU0MjYw/