Շալվա Պապուաշվիլի․ Մենք կփորձենք երկկողմ շփումների միջոցով համոզել բրյուսելյան բյուրոկրատիային, որ արդարացի վերաբերմունքին և երկխոսությանն այլընտրանք չկա

19:22, 24.09.2026

Կարևոր պաշտոնական այց տեղի ունեցավ. մենք հնարավորություն ունեցանք այցելելու և՛ Բելգիա, և՛ Լյուքսեմբուրգ, հանդիպելու մեր գործընկերների՝ խորհրդարանների նախագահների հետ և քննարկելու Վրաստան-ԵՄ հարաբերությունների վերաբերյալ առկա մտահոգությունները, – հայտարարել է Վրաստանի խորհրդարանի նախագահ Շալվա Պապուաշվիլին։

Նրա խոսքով՝ ԵՄ բյուրոկրատիայի ջանքերի արդյունքում ԵՄ շրջանակներում խոչընդոտներ են ստեղծվել։

«Մենք մեր գործընկերներին ներկայացրինք այն տեսանկյունը, որից դիտարկում ենք Վրաստան-ԵՄ հարաբերությունները։ Ուրախ եմ, որ մեծ հետաքրքրություն կար մեր դիրքորոշումների նկատմամբ, և որ մենք կիսում ենք գործընկերների այն տեսակետը, թե երկխոսությունն ու արդարացի վերաբերմունքն այս հարաբերությունների համար միակ ճիշտ՝ եվրոպական ուղին են։ Կարևոր է, որ այդ հարաբերությունները վերադառնան այդ հուն։ Կարևոր է, որ Բրյուսելը վերանայի 2024 թվականի հունիսին ընդունած որոշումը՝ միակողմանիորեն կասեցնելու եվրաինտեգրման գործընթացը։ Երկկողմ հարաբերությունները նույնպես կարևոր են. մինչ ԵՄ-ի հետ հարաբերությունները մեկ մակարդակ են ներկայացնում, երկկողմ հարաբերությունները մեկ այլ հարթություն և մակարդակ են։ Այն պայմաններում, երբ, ցավոք, ԵՄ բյուրոկրատիայի ջանքերով խոչընդոտներ են ստեղծվել ԵՄ շրջանակներում, մենք չպետք է անտեսենք երկկողմ հարաբերությունների ձևաչափը։ Ի վերջո, Եվրոպական միությունն անդամ պետությունների միությունից ավելին չէ։ Ուստի մենք կշարունակենք մեր այցելություններն անդամ պետություններ՝ երկկողմ ձևաչափով։ Մենք կջանանք այդ երկկողմ հարաբերությունների միջոցով համոզել Բրյուսելի բյուրոկրատիային, որ արդարացի վերաբերմունքն ու երկխոսությունն այլընտրանք չունեն», – նշել է Պապուաշվիլին։

Նմանատիպ