Շնորհավորում եմ Թամար Տալիաշվիլուն՝ ԱՄՆ-ում Վրաստանի դեսպանի նշանակման կապակցությամբ։ Կարևոր է, որ նա ստացել է ագրեման ԱՄՆ-ի նախագահի վարչակազմից, – այս մասին հայտարարել է Վրաստանի խորհրդարանի նախագահ Շալվա Պապուաշվիլին։

Պապուաշվիլու խոսքով, դա հույս է տալիս, որ հնարավոր է հարաբերությունների վերագործարկում։

«Նախ և առաջ ցանկանում եմ շնորհավորել Թամար Տալիաշվիլուն՝ Ամերիկայի Միացյալ Նահանգներում Վրաստանի դեսպանի նշանակման կապակցությամբ։ Հիշում եք, նա մեր գործընկերն էր խորհրդարանում և ունեցել է հաջող գործունեություն։ Մինչ այդ նա աշխատել է քաղաքային խորհուրդում, ապա Եվրոպայի խորհրդում՝ բավական հաջող։ Կարևոր է, որ նա ստացել է ագրեման ԱՄՆ-ի նախագահի վարչակազմից։ Իհարկե, կարևոր է, որ Վրաստանը ներկայացված լինի ԱՄՆ-ում դեսպանի միջոցով։ Սա մեզ հույս է տալիս, որ հնարավոր է հարաբերությունների վերագործարկում։ Մենք հավատարիմ ենք այն առաջարկին, որի մասին երկար ենք խոսում, որ ցանկանում ենք ԱՄՆ-ի հետ իսկական ռազմավարական գործընկերություն, որը հիմնված կլինի երկու ժողովուրդների ազգային շահերի վրա։ Այս առումով Թամար Տալիաշվիլին որպես դեսպան լավագույն թեկնածուն է։ Ուրախ եմ, որ նա կլինի Վրաստանի ներկայացուցիչը Ամերիկայի Միացյալ Նահանգներում», – հայտարարել է Պապուաշվիլին։