Վրաստանի խորհրդարանի նախագահ Շալվա Պապուաշվիլին հանդիպել է Հորդանանի Հաշիմյան Թագավորության Սենատի նախագահ Ֆեյսալ Ակեֆ Ալ-Ֆաիզի հետ։

Կողմերը քննարկել են երկու երկրների միջև ամուր բարեկամությունն ու երկկողմ համագործակցությունը։

Շալվա Պապուաշվիլին երախտագիտություն հայտնեց Հորդանանի որոշման համար՝ Վրաստանին փոխանցել Փրկչի մկրտության հարակից հողամաս, որտեղ նախատեսվում է կառուցել վրացական մշակութային կենտրոն։

Կողմերը հայտնեցին խորհրդարանական կապերը ամրապնդելու իրենց պատրաստակամությունը։ Նշվեց վրացական խորհրդարանական պատվիրակության վերջերս Հորդանան կատարած արդյունավետ այցը։

Սենատի նախագահը հետաքրքրվեց Վրաստանի օկուպացված շրջաններում տիրող իրավիճակով, որի վերաբերյալ Շալվա Պապուաշվիլին մանրամասն տեղեկատվություն տրամադրեց։

Հանդիպման ընթացքում քննարկվեց նաև Մերձավոր Արևելքում ստեղծված դժվարին իրավիճակը։ Կողմերը շեշտեցին բարեկամական կապերի ամրապնդման և տարածաշրջանային խաղաղության ու կայունության խթանման կարևորությունը անկայուն քաղաքական իրավիճակում։

Հանդիպումը տեղի է ունեցել Ժնևում ընթացող խորհրդարանների նախագահների վեցերորդ համաշխարհային համաժողովի շրջանակներում։ Խորհրդարանի խոսնակի հետ մեկտեղ միջոցառմանը մասնակցում է նաև արտաքին հարաբերությունների հանձնաժողովի նախագահ Նիկոլոզ Սամխարաձեն։

Տեղեկատվությունը հրապարակվել է Վրաստանի խորհրդարանի կողմից։