Վրաստանի խորհրդարանի նախագահ Շալվա Պապուաշվիլին հանդիպել է Ադրբեջանի Հանրապետության Միլի Մեջլիսի պատվիրակությանը։

Կողմերը դրականորեն գնահատել են Վրաստանի և Ադրբեջանի միջև ինտենսիվ հարաբերությունները։

Շալվա Պապուաշվիլին ադրբեջանական կողմին շնորհակալություն է հայտնել ՄԱԿ-ի Գլխավոր վեհաժողովում Վրաստանի կողմից ներկայացված՝ օկուպացված տարածքներից բռնի տեղահանված անձանց և փախստականների կարգավիճակի վերաբերյալ բանաձևի աջակցության համար։

Հանդիպման ընթացքում նշվել է օրենսդիր մարմինների նախագահների, հանձնաժողովների և բարեկամության խմբերի միջև արդյունավետ խորհրդարանական համագործակցությունը, ինչպես նաև ընդգծվել է երկկողմ այցելությունների դրական դինամիկան։

Հատուկ ուշադրություն է դարձվել երիտասարդների միջև կապերի ամրապնդման կարևորությանը և այս ուղղությամբ նախատեսվող միջոցառումներին։ Այս առումով ընդգծվել է կրթության հանձնաժողովների կարևոր դերը։

Հանդիպմանը մասնակցել են նաև Ադրբեջանի Հանրապետության հետ խորհրդարանական բարեկամության խմբի ղեկավար, կրթության, գիտության և երիտասարդական հարցերի հանձնաժողովի նախագահ Գիվի Միկանաձեն և սպորտի հանձնաժողովի նախագահ Վիկտոր Սանիքիձեն։

Տեղեկատվությունը տարածել է Վրաստանի խորհրդարանի մամուլի ծառայությունը։