Շալվա Պապուաշվիլի. Հորդորում եմ Բրիտանիայի դեսպանատանը բացահայտել, թե ում և ինչ գումարներով է ֆինանսավորել 2024 թվականի խորհրդարանական ընտրությունների կապակցությամբ և ում ու ինչ գումարով է ֆինանսավորում այսօր
Վրաստանի խորհրդարանի նախագահ Շալվա Պապուաշվիլին սոցիալական ցանցում գրել է, որ դիմում է Մեծ Բրիտանիայի դեսպանատանը՝ պահանջելով բացահայտել, թե ով և որքան գումար է ստացել ֆինանսավորում 2024 թվականի խորհրդարանական ընտրությունների կապակցությամբ, և ով ու որքան է ֆինանսավորվում այսօր:
Նա նաև դիմել է բոլոր այն անձանց, ովքեր կարող են որևէ տեղեկություն ունենալ Բրիտանիայի դեսպանատան ֆինանսավորումների վերաբերյալ:
«Բրիտանիայի դեսպանատան հայտարարությունից հետո հայտնի դարձավ, որ դեսպանատունը պատրաստվում էր ֆինանսավորել կուսակցական քարոզչություն և ծայրահեղական քաղաքական գործիչներ, որոնց հռչակված նպատակն էր տեղական ընտրությունների վարկաբեկումը։ Սա ամրապնդում է կասկածը, որ սա առաջին փորձը չէր քարոզչության և ծայրահեղականության ֆինանսավորման։ Դիմում եմ Բրիտանիայի դեսպանատանը՝ հրապարակելու, թե ով և որքա՞ն է ֆինանսավորվել 2024 թվականի խորհրդարանական ընտրությունների կապակցությամբ և ով է ֆինանսավորվում այսօր։ Նույնպես դիմում եմ բոլորին, ովքեր կարող են որևէ տեղեկություն ունենալ դեսպանատան ֆինանսավորումների վերաբերյալ՝ փոխանցել այդ տեղեկությունը ինձ», – գրել է Շալվա Պապուաշվիլին։
