Վրաստանի խորհրդարանի խոսնակ Շալվա Պապուաշվիլին արձագանքում է Վրաստանում ԵՄ դեսպան Պավել Հերչինսկու այսօրվա հայտարարությանը։

Խոսքը վերաբերում է այն հայտարարությանը, որտեղ Հերչինսկին նշել է. «Վրաստանն ընդունել է օրենքներ, որոնք հակասում են Եվրամիության սկզբունքներին։ Այս օրենքներով ձեզ համար անհնար կլինի դառնալ Եվրամիության անդամ։ Շատ եմ ցավում, որ սա բացահայտ և ուղղակիորեն եմ ասում»։

«Միակ բանը, որին հակասում են Վրաստանի խորհրդարանի կողմից ընդունված օրենքները, Բրյուսելի ներկայիս բյուրոկրատիայի ցանկությունն է՝ գաղտնի ֆինանսավորել արմատականությունը և քարոզչությունը, որը որևէ կապ չունի Եվրամիության սկզբունքների հետ։ Շատ եմ ցավում, որ սա բացահայտ և ուղղակիորեն եմ ասում», – գրել է Շալվա Պապուաշվիլին սոցիալական ցանցերում։