Ընդդիմության և Ոչ կառավարական կազմակերպությունների խմբի տեսքով հակավրացական շարժում է ստեղծվել, Մեստիայում լրագրողներին ասել է Վրաստանի խորհրդարանի նախագահ Շալվա Պապուաշվիլին։

Վրաստանի խորհրդարանի նախագահը մեկնաբանել է ընդդիմադիր յոթ կուսակցությունների և հասարակական կազմակերպությունների ներկայացուցիչների վաղը նախատեսված ակցիան։

«Ընդդիմության և Ոչ կառավարական կազմակերպությունների խումբն արդեն ֆորմալացված սիմբիոզ է։ Մինչ այժմ փորձում էին թաքցնել, բայց այսօր արդեն տեսանելի է։ Սա մեկ սիմբիոզ է, Ոչ կառավարական կազմակերպությունների և ընդդիմության որոշակի խմբի մեկ օրգանիզմ, որն ունի մեկ հովանավոր, մեկ աջակից և մեկ պլան կազմող։ Սա հակավրացական շարժում է, որը կազմակերպվել է որպես ընդդիմադիրների և Ոչ կառավարական կազմակերպությունների խումբ։ Լավ է, որ վրաց ժողովուրդը տեսնում է այս հակավրացական շարժումը։ Բոլոր դիմակները հանվեցին, և բոլորի համար պարզ դարձավ, թե ինչի հետ գործ ունենք՝ այս մի փոքր խումբը, ի վերջո, կձևավորվի որպես հակավրացական շարժում և տեսանելի կլինի վրաց ժողովրդի կողմից»,- ասել է Պապուաշվիլին։