Օրենսդիր մարմնի կողմից աջակցվող ուղղություններից մեկը խիստ ներգաղթային քաղաքականությունն է, Վրաստանում անօրինական միգրացիան պետք է դադարեցվի,- այս մասին հայտարարել էր Վրաստանի խորհրդարանի նախագահ Շալվա Պապուաշվիլին։

Նրա խոսքով, ցավոք, սա մարտահրավեր է աշխարհի համար։

«Մենք տեսնում ենք, որ տարբեր երկրներում պայքար է ընթանում միգրացիայի դեմ։ Համապատասխանաբար, լավ է, որ Ներքին գործերի նախարարությունը, խորհրդարանի կողմից ստեղծված օրենսդրության համաձայն, հնարավորություն ունի արագ և արդյունավետ որոշում կայացնել անօրինական միգրանտների արտաքսման վերաբերյալ։ Սրանք մոտավոր թվեր են, կա ենթադրություն այն մասին, թե որքան կարող է լինել անօրինական միգրանտների ծավալը։ Կարևոր է, որ տեմպը բարձր լինի, որպեսզի անօրինական միգրացիայի խնդիրը երկու-երեք տարվա ընթացքում լիովին վերացվի», – ասել է Պապուաշվիլին։